Një koment për “spo mundem te mesoj ju lutem mundeni te me ndihmoni”

1. Ma. Sc. Valdet Plakolli - Psikolog shkollor says:

   May 4, 2018 at 7:21 am

   Përshëndetje,

   Të falënderoj që na jeni drejtuar që të ndani me ne shqetësimin që ju keni!

   Shpesh ndodh që për një kohë të caktuar (një ose disa ditë) të mos kemi vullnet për diçka dhe kjo është normale, por kur kjo gjendje zgjat dhe fillon të bëhet e përditëshme , na pengon në aktivitetet tona. Tani, për moshën që ju keni mësimi është dhe duhet të jetë aktivitetit kryesor dhe më i rëndësishëmi. Prandaj është shumë me rëndësi që ju të mos vazhdoni kështu por të filloni që tani të punoni për të ndrruar situatën.
   Sigurisht që kjo gjendje ka një ose disa shkaqe. Dhe e para e punës që ju duhet të bëni është që të identifikoni shkaqet që po bëjnë që ju të mos keni vullnet për të mësuar. Kur ju të dini shkaqet dhe të punoni për të eliminuar ato, atëher gjithcka do të filloj t’i kthehet normalitetit. Shumë e rëndësishme është që ju të mësoni sistematikisht, cdo ditë, në kohë të caktuar, të mos mësoni në presionin e kohës (t’u kushtoni kohë të mjaftueshme mësimeve), të mësoni me kuptim (pra mos kaloni mësimet pa i kuptuar mirë ato). Kur ju të arrini të bëni këto veprime, sigurisht që do të vijnë edhe notat e mira dhe kështu shpërblimi do të bëjë që ju të riktheni vetëbesimin dhe vullnetin.
   Shpresoj që kjo përgjigje ju ndihmon, unë ju ftoj që të na shkruani përsëri nëse e shihni të nevojshme. Gjithë të mira dhe suksese!

   Reply