pershendetje jam 17 vjeq

pershendetje jam 17 vjeq

pershendetje jam 17 vjeq dhe ne shkoll te mesme problemi im eshte qe nuk po mundem me msu sepse kam fillu me msu por shoket dhe shoqet me perqeshnin por po e kam te veshtir te pytem ndersa me test e kaloj noten ndersa profesoret me thojn se ti ke kopjuar ne test me duhet nje keshill nga ju ju lutem me nndihmoni

         

2 komente për “pershendetje jam 17 vjeq”

  1. Nina says:

    Pershendetje!

    Me duket mua se nuk e ke zgjedhur njeren nder shoqerite me te mira per te kaluar kohen. Nese shoket e tu te perqeshin sepse ti meson dhe edukohesh, atehere eshte per te ardhur keq per ta. Ti qendro keshtu se shkolla do tet sjelle drite ne jeten tende dhe ata te ashtquajturit ‘shoket’ e tu do pendohen dikur por jo me shume se ti nese ti vendos qe tiu shkosh pas ‘keshillave’ te shokve.

    Stay in school

  2. Ma. Sc. Valdet Plakolli - Psikolog shkollor says:

    Përshëndetje

    Fillimisht të falënderoj që na jeni drejtuar që të ndani me ne shqetësimin që ju keni!

    Kur është dëshira dhe vullneti gjithcka mund të arrihet. Edhe në rastin tuaj sigurisht që suksesi nuk do të mungoj vetëm se duhet përkushtim dhe punë e palodhshme. Mendoj se pasi që keni dëshirë për të mësuar edhe vullneti do të vij gradualisht.Sic duket nga letra juaj ju po preokupoheni me shumë cështje njëkohësisht dhe kjo bënë që ju të mos mund të koncentroheni sa duhet në mësimet tuaja. Sigurisht që të mësuarit është një proces kompleks dhe jo i lehtë dhe që të arrihet të mësohet me sukses janë të nevojshme disa parakushte si:
    – mos mësoni në presionin e kohës (kushtoni kohë të mjaftueshme mësimeve tuaja, ndani aq kohë sa është e nevojshme për të mësuar),
    -mësoni në kushte të mira (pa zhurma që ju pengojnë, pa telefon afër, tv ose kompjuter, pra, përkushtojuni mësimeve),
    -mësoni me orar të caktuar(përcaktoni një orar strikt kur do të mësoni dhe përmbajuni atij, mësoni me termine dy tre herë në ditë nga dy orë, me pushime një orëshe në mes tyre, përshtateni orarin tuaj ashtu që të mund t’i përmbaheni atij cdo ditë, mësoni sistematikisht cdo ditë dhe mos bëni pauza të gjata me ditë të tëra),
    -mësoni me kuptim (mësoni duke i studiuar përmbajtjet mësimore, mos kaloni asnjë fjali, paragraf pa e kuptuar mirë, nëse lexoni dhe nuk i kuptoni përmbajtjet kjo bënë që të mos keni vullnet për të mësuar,
    -bëni përsëritje të shpeshta të asaj që mësoni (kështu ju i përforconi mësimet dhe nuk i harroni ato ).
    Sa u përket shokëve, besoj që nuk jan shokë ata që ju përqeshin kur mësoni, shpresoj që edhe ata t’a kuptojnë rëndësinë e mësimit dhe të ju bashkëngjiten me kohë.
    Profesorët me kalimin e kohës do të binden se ju jeni i vendosur dhe e keni seriozisht që të mësoni dhe të vazhdoni tutje të ndërtoni jetën tuaj sigurt.
    Shpresoj që kjo përgjigje do të ju ndihmoj, unë ju ftoj që të na shkruani përsëri sa herë që ju e shihni të nevojshme, mos hezitoni ju mirëpres!
    Gjithë të mirat dhe suksese!

Leave a Reply

Your email address will not be published.

Na përcjellni edhe në: